Во Центарот за култура Крива Паланка се одржа шестото издание на Детскиот музички фестивал „Распеано симитче 2020“.
На фестивалот беа изведени 10 нови композиции, со модерен стил, создадени од локални и регионални автори, во прилог на афирмацијата на локалната музичка сцена и култура.
Детските песни беа изведени од млади таленти од Крива Паланка и Куманово и тоа: Лана Велковска, Михаил Митовски, Ева Јакимовска, Сара Димитровска, Дарија Пешовска, Ева Стојановска, Милица Арсовска, Јана Трајковска, Драгана Давитковска, Глорија Груевска и Невена Стаменковска.
По традиција, фестивалот и годинава имаше специјални гости, а овојпат тоа беа Ивана Манојловска и Вера Петкова, поранешни учеснички на „Распеано симитче“, кои пред 10 години настапија како солисти.
Автори на композициите се Игор Трајковски, Снежана и Оливера Николовски, Гордан Спасовски, Рената Кралевска, Филип Додевски, Лариса Жулина Митовска и Билјана Петковска Антовска.
Извршен продуцент е Методи Цветковски а музички продуценти се Сашо Митковски и Игор Трајковски, аудио материјалот е снимен во студиото „СМ“. Оранизатор на Детскиот музички фестивал е Центарот за аудиовизуелни уметности, покровител општина Крива Паланка, а поддржувачи Министерството за култура, НУ Центар за култура и Градски музеј Крива Паланка.
