ЏЕЗ ЛЕКТИРА  е проект кој има едукативен карактер и кој во себе содржи 2 сегмента. Првиот дел е одржување на интерактивни џез работилници за млади на кои се презентираат основни информации за џезот, постанокот, жанровите, свирењето на инструментите, со практични примери и  интерпретација во живо.

Во вториот дел се организираат џез концерти со познати џез музичари, кои изведуваат  светски џез стандарди, паралелно на видео бим се прави и презентација на авторите, изведувачите и се презентираат детали за самите џез композиции, кои се веќе  дел од светското музичко културно наследство. Едукативниот карактер  на џезот и неговото влијание во  отворањето на нови видици и  поинаква перцепција на вкупното живеење, го прави исклучително важен сегмент во создавањето на една комплетна личност.